سندر بوٽاڻي

سندر بوٽاڻي: هندستان جو مشهور سنڌي اداڪار، ڊراما ليکڪ ۽ هدايتڪار، سندر بوٽاڻي، 27 سيپٽمبر 1933ع تي ڪراچيءَ ۾ ڄائو. 1947ع ۾ ورهاڱي وقت ڪٽنب سان گڏ ڀارت هليو ويو، جتي ناگپور ۽ پوءِ مهاراشٽر ۾ رهڻ لڳو. مهاراشٽر ۾ ايڪانڪي توڙي ڊگهي ڊرامي لکڻ جو مشهور آرٽسٽ، هڪ ئي وقت هدايتڪار ۽ اداڪار به آهي. هن پنهنجي زندگيءَ جو پنجاهه سالن کان مٿي جو عرصو اداڪاري ۽ سنڌي ڊراما لکڻ کي ڏنو آهي. هن جا مشهور ڊراما 1997ع کان 2000ع واري عرصي ۾ ’سنڌو ڪالا ڪيندرا‘ جي بينر هيٺ اسٽيج ڪيا ويا آهن. سندس ڊرامن ۾: (1) ياد ڪندا، (2) سوريءَ سڏ ڪيو، (3) هڪ عجيب انسان، (4) رام اڃا بنواس ۾ آهي، (5) فنا، ۽ (6) هيءُ پياسو منهنجو من وغيره مشهور آهن.
سندر بوٽاڻيءَ کي پهريون انعام ’سنڌي ٻولي ۽ ساهت سڀا'>اکل ڀارت سنڌي ٻولي ۽ ساهت سڀا‘ پاران هدايتڪاريءَ تي 1978ع ۾ ڏنو ويو، جڏهن ته ’فنا‘ ڊرامي تي ليکڪ جي حيثيت ۾ کيس پهرئين نمبر جو انعام 1998ع ۾ راجسٿان سنڌي اڪيڊمي، جئپور طرفان مليو. 1985ع ۾ کيس سنڌي ٻولي ۽ ساهت سڀا'>اکل ڀارت سنڌي ٻولي ۽ ساهت سڀا، ممبئي ۽ نيو دهليءَ پاران کيس بهترين اداڪار جو اوارڊ به مليل آهي. 1999ع ۾ سندس سموري ڪم جي مڃتا طور مهاراشٽر اسٽيٽ سنڌي اڪيڊميءَ طرفان اوارڊ سان نوازيو ويو.
هن سنڌي ڊرامن کانسواءِ ڪيترن هندي ڊرامن ۾ به ڪم ڪيو آهي. اڄڪلهه هو شاعري ۽ ادب تي تنقيدي مضمون لکي پيو ۽ هنومان نگر، ناگپور، مهاراشٽر ۾ رهي ٿو.

داخلا ۾ استعمال ٿيل تاريخون

1933.09.27  عيسوي

هندستان جو مشهور سنڌي اداڪار، ڊراما ليکڪ ۽ هدايتڪار، سندر بوٽاڻي، 27 سيپٽمبر 1933ع تي ڪراچيءَ ۾ ڄائو. 1947ع ۾ ورهاڱي وقت ڪٽنب سان گڏ ڀارت هليو ويو، جتي ناگپور ۽ پوءِ مهاراشٽر ۾ رهڻ لڳو.

شخصيتون - ڀاڱي جون ٻِيون داخلائون